नेपाली कांग्रेसको कोशी संसदीय दलमा शेखर कोइराला पक्षले विद्रोह गरेको दुई दिनमा प्रदेशको राजनीतिमा धेरै उलटफेर भइसकेको छ।
शुक्रबार बिहानसम्म केदार कार्कीसहितका ८ सांसदलाई कारबाही गर्ने मुडमा रहेको कांग्रेस दिउँसोसम्ममा गठबन्धनकै उम्मेदवार बनाउन राजी भइसकेको थियो।
शेखर कोइरालाले एमालेसँगको सहमति तोड्न नमान्दा नमान्दै जब केदार कार्की मुख्यमन्त्री बन्ने निश्चित भयो, ‘गठबन्धन अझै बलियो पार्ने’ सहमति भएको खबर बाहिरियो।
शनिबार चितवनमा प्रधानमन्त्री पुष्पकमल दाहाल प्रचण्डले ‘कार्कीजी अब हामी सबैको मुख्यमन्त्री’ भनेर घोषणा नै गरिदिए।
कोशीमा भएको यो राजनीतिक उलटफेरको पहिलो मारमा परे, माओवादी नेता इन्द्र आङ्बो। जसले मुखैमा आएको अवसर फेरि गुमाउनु पर्यो।
यही प्रकरणले मारमा पर्ने अर्का नेता बने, उद्धव थापा।
